Skip to Main Content Accessibility

    Cymraeg

    Delio â Gwasanaeth Gwrandawiadau Gweithwyr Deintyddol Proffesiynol trwy gyfrwng y Gymraeg

    Mae Gwasanaeth Gwrandawiadau Gweithwyr Deintyddol Proffesiynol wedi ymrwymo i gynnig ein gwasanaethau trwy gyfrwng y Gymraeg a’r Saesneg.

    Cyfathrebu ysgrifenedig

    Gallwch ysgrifennu atom yn y Gymraeg, drwy lythyr neu e-bost.

    Os ydych chi'n teimlo bod eich ymholiad yn un brys, gallwch ein ffonio ni ar 020 8253 0800 a bydd cydweithiwr yn eich cynorthwyo.

    Rydym ar agor 9am-5pm o ddydd Llun i ddydd Gwener.

    Bydd galwadau ffôn yn cael eu cynnig yn Saesneg. Os hoffech siarad yn y Gymraeg, fe gewch chi’r dewis o barhau â'r alwad yn Saesneg neu ysgrifennu atom yn y Gymraeg.

    Codi pryderon a chwynion

    Gallwch godi pryder am weithiwr deintyddol proffesiynol neu wneud cwyn i ni yn y Gymraeg, drwy lythyr neu e-bost, a byddwn yn eich ateb yn y Gymraeg o fewn yr un amserlen â phe baech wedi ysgrifennu atom yn y Saesneg.

    Cyfarfodydd

    Mae croeso i aelodau o'r cyhoedd sy'n bwriadu mynychu ein cyfarfodydd cyhoeddus yng Nghymru siarad yn Gymraeg (gofynnwn i chi roi rhybudd ymlaen llaw fel y gallwn drefnu cyfieithydd ar y pryd).

    Bydd hysbysiadau o gyfarfodydd cyhoeddus yng Nghymru yn ddwyieithog, ynghyd ag unrhyw agendâu neu gofnodion.

    Hunaniaeth gorfforaethol

    Pan fyddwn yn ymateb i chi yn Gymraeg byddwn hefyd yn defnyddio fersiynau Cymraeg ein logo, hunaniaeth gorfforaethol a'n papur pennawd.

    Cyhoeddiadau

    Mae llawer o'n cyhoeddiadau i gleifion ac aelodau o'r cyhoedd ar gael yn Gymraeg. Bydd safonau a chanllawiau proffesiynol yn cael eu cyfieithu ar gais.

    Cynhyrchir ein hadroddiad blynyddol a'n cyfrifon yn ddwyieithog ac maent ar gael yma.

    Mae'r cyhoeddiadau canlynol ar gael yn Gymraeg ar gais:

    1. Taflen 'Pwy sy'n rheoleiddio gweithwyr proffesiynol iechyd a gofal cymdeithasol
    2. Taflen 'Mynd dramor am eich gofal deintyddol
    3. ‘Ystyried gwynnu dannedd?'
    4. ‘Taflen 'Cyngor i'r rhai sy'n cyflogi gweithwyr deintyddol proffesiynol

    Y wasg a hysbysebu

    Byddwn yn cyhoeddi datganiadau dwyieithog i’r wasg ar gyfer y cyfryngau yng Nghymru. Darperir cyfieithiadau ar gais. Bydd hysbysebion a chyhoeddusrwydd yng Nghymru yn cael eu cyhoeddi'n ddwyieithog, yn ogystal â hysbysebion cylchgronau a phapurau newydd.

    Os oes unrhyw un yn cysylltu â ni drwy'r cyfryngau cymdeithasol yn y Gymraeg, byddwn yn ateb yn y Gymraeg (os oes angen ateb). Hefyd, pan fyddwn yn defnyddio'r cyfryngau cymdeithasol ac yn postio cynnwys sy'n ymwneud â Chymru yn unig, byddwn yn cyhoeddi'r neges yn y Gymraeg.

    Gwrandawiadau

    Mae gennych chi'r hawl i godi pryder am berson cofrestredig yn y Gymraeg.

    Os bydd hyn yn arwain at wrandawiad, gallwch roi tystiolaeth yn y Gymraeg. Pan fyddwn yn cael gwybod bod tyst yn dymuno rhoi tystiolaeth yn y Gymraeg, byddwn yn ei gynorthwyo i wneud hynny drwy ddefnyddio cyfieithwyr â chymwysterau addas. Mae angen rhybudd ymlaen llaw arnom i allu gwneud hyn yn effeithiol.

    Safonau'r laith Gymraeg

    Mae Safonau'r Gymraeg, a sefydlwyd o dan Fesur y Gymraeg (Cymru) 2011, yn creu fframwaith cyfreithiol sy'n gwarantu'r hawl i unigolion yng Nghymru gael mynediad at wasanaethau penodol drwy gyfrwng y Gymraeg. Hefyd, fe wnaeth y Mesur greu rôl Comisiynydd y Gymraeg, sydd â'r dasg o oruchwylio a sicrhau cydymffurfiaeth â'r Safonau hyn.

    Rydym wedi ymrwymo i gryfhau ein gwasanaethau Cymraeg yn unol â'r PDFhysbysiad cydymffurfio (277.08 KB) gyhoeddwyd gan Gomisiynydd y Gymraeg. Bydd bodloni'r gofynion hyn yn ein galluogi i wella lefel y gwasanaethau Cymraeg y gall aelodau o'r cyhoedd yng Nghymru ddisgwyl eu cael gan y Cyngor Deintyddol Cyffredinol.

    Fel rhan o'n hymrwymiad i Safonau'r Gymraeg, ein nod yw dyrannu lefel resymol a chymesur o adnoddau gweithredol seiliedig ar wybodaeth er mwyn diwallu anghenion siaradwyr Cymraeg, yn ogystal â chynorthwyo ein staff i gyflawni'r amcan hwn.

    Wrth fodloni'r safonau, rydym hefyd yn ystyried ein rhwymedigaethau deddfwriaethol ehangach, gan gynnwys y rhai sydd wedi'u nodi yn Neddf Deintyddion 1984.

    Er nad yw'r safonau yn berthnasol i bob agwedd ar ein gwaith, lle maent yn berthnasol rydym wedi ymrwymo i'r egwyddor o sicrhau nad yw'r Gymraeg yn cael ei thrin yn llai ffafriol na'r Saesneg.

    Cwynion ac adborth am ein gwasanaeth

    Ein cydymffurfiaeth Bob blwyddyn, rydym yn cyhoeddi adroddiad ar ein cydymffurfiaeth â'r safonau. Gweler isod:
    PDFY Cyngor Deintyddol Cyffredinol - Adroddiad Blynyddol i Gomisiynydd y Gymraeg 2024-25 (178.47 KB)

    Os hoffech chi roi unrhyw adborth i ni a/neu os oes gennych unrhyw bryderon am ein darpariaeth Gymraeg neu ein cydymffurfiaeth â safonau'r Gymraeg, mae croeso i chi gysylltu â ni. Os hoffech chi wybod sut rydym yn defnyddio'r wybodaeth rydych chi'n ei rhoi i ni, darllenwch ein datganiad preifatrwydd.